Про  "Чумальово"

Назва села походит уд фамилиї першого житиля Чумаля, якый у началі XIV ст. утік з Уґлі уд феодала, та поселився на правому биризі рікы Теребля (Тalabor). Як пише мадярськый історик В. Белои, що права часть, де збігає Теребля з гур і выходит на широку долину, была заселена ще у 1350 годови. За даными історичных документу з архіву мадярщины, в 1406 г. Чумальово (Csománfalva) уже мало 12 дворогосподарств, які находилися на западнуй території нынішнього села, на выщуй части, яка называєся Забириж. Уздовш села, де зроблено самов природов, давно проходив берег рікы Теребля, яка после перемістилася на выход, де протікає і ныні межи селами Чумальово та Кричово.
    Перша статистика про Чумальово 1839 года. Тогды село входило до Хустського округа Мараморошської жупы, в якому жило 621 чол.
В 1901 Чумальово вже мало 1394 чол. і вже входило до Тячуського округа Мараморошської жупы.
В 1921 за результатами переписи в ЧСР (на Подкарпатськуй Руси)  жило 1635 чол. 372 хыжі.
В 1878 г. в Чумальові была удкрыта церковно-приходська школа, в першый клас якої пушли діти, які родилися в 1870-1871 годах. першым учитильом бов мадяр по фамилиї Ліхтий. В 1945 была удкрыта симирічна школа, яка в 1961 стала восьмирічнов. 
Що касаєся духовного образа села Чумальова, то у церковнуй статистиці за 1893 г. про село говорилося {Чумальово - стародавня сільске общество. Церковна парафія сього села входит до Тереблянської церковної адміністранивно-територіальної одиниці.У парафії є камняна церква Покрова Присятої Богородиці, яка быля сячена в 1878г.}
У 1925 г.в силі создано православне общество, сященником якого бов В.Краило. А в 1926 году бов построєный деревляный храм, якый начинає свою духовну деятельность як Свято-Вознесенськый женськый манастырь. Другых релігійных конфесій, кроме православної, в силі ниє.